Pan Gı Mýn somalılik qaraqshylarmen kúres jóninde birqatar sharalardy usyndy
ASTANA. Tamyzdyń 26-sy. QazAqparat - BUU-nyń Bas hatshysy Pan Gı Mýn somalılik qaraqshylarmen kúres jóninde olarǵa aıryqsha halyqaralyq trıbýnal qurýdy qamtıtyn birqatar zańdyq sharalardy usyndy, dep jazady RBK.
Agenttiktiń atap kórsetkenindeı, bul trıbýnal BUU Bas hatshysynyń jobasy boıynsha qaraqshylyq shabýyldarǵa baılanysty isti qarastyratyn sońǵy saty bolýy tıis.
Budan basqa ózge eldiń aýmaǵynda ornalasqan Somalı soty qurylýy kerek. Ári ol Afrıkalyq odaq elderi bekitip, aımaqtaǵy birneshe memleketterdiń ókilderi qatysqan memlekette turaqty ókimet ornaǵansha bılik júrgizetin bolady.
BUU-nyń Qaýipsizdik Keńesiniń turaqty músheleri bolyp tabylatyn - 15 memleket Pan Gı Mýnnyń usynystarymen kelisti.
