Pan Gı Mýn: Pákistandaǵy jaǵdaı «óte aýyr jáne jantúrshigerlik» - BUU qosymsha 10 mln. dollar bóledi
ASTANA. Tamyzdyń 16-sy. QazAqparat - BUU Bas hatshysy Pan Gı Mýn apatty sý tasqynynan qatty zardap shegip otyrǵan Pákistanda body, ondaǵy jaǵdaıdy ol «óte aýyr jáne jantúrshigerlik», - dep baǵalady, dep habarlaıdy RBK.
BUU basshysynyń aıtýy boıynsha, ol buǵan deıin apattyń munshalyqty talqandaýshy joıqyn kúshin kórmepti, dep habarlaıdy VVS.
Sondaı-aq, Bas hatshy álemdik qaýymdastyqty Pákistannyń zardap shegip otyrǵan aımaǵyna kómekti jyldamdatýǵa shaqyrdy, apat aımaǵyndaǵylar dári-dármek pen tutyný buıymdaryna qajettilikti qatty sezinip otyr.
Pan Gı Mýn BUU-nyń eseptelmegen shyǵyndar qorynan qosymsha 10 mln. dollar bólinetini týraly jarııalady. Osylaısha, BUU tarapynan bólinetin kómek qarjynyń jalpy somasy 27 mln. dollarǵa jetti. Budan basqa, ol basqa elderdi de kómek kórsetýge shaqyrdy.
Resmı málimeter boıynsha, joıqyn sý tasqyny saldarynan Pákistanda 20 mıllıonnan astam adam zardap shekti, 1500-den astam adam opat boldy.
