Pan Gı Mýn Ońtústik Koreıadaǵy prezıdent saılaýyna túspeıtin boldy
ASTANA. QazAqparat - BUU-nyń burynǵy bas hatshysy Pan Gı Mýn Ońtústik Koreıa prezıdenttigi úshin bolatyn saılaýǵa túspeıdi. «Men saıasattan ketemin. Kóp adamdardy úmittendirgenim úshin keshirim suraımyn», - dedi ol parlamenttegi baspasóz máslıhatynda konservatıvti partııanyń basshylarymen kezdeskennen keıin.
Qańtar aıynda AQSh bıligi BUU-nyń burynǵy bas hatshysynyń jıeni men inisine aıyp taqty. Olar laýazymdy tulǵaǵa para berip, Vetnamdaǵy ǵımarat keshenin alý úshin jemqorlyq jasady dep aıyptalýda.
2016 jyldyń jeltoqsan aıynda Ońtústik Koreıa parlamenti el prezıdenti Pak Kyn Heniń aınalasyndaǵy jemqorlyq daýyna baılanysty ımpıchmentti bastaýǵa daýys berdi. Prezıdentti qyzmetinen bosatý týraly sheshimdi Ońtústik Koreıanyń Konstıtýtsııalyq soty qabyldaıdy. Іstiń qaralý merzimi kem degende jarty jylǵa deıin sozylady.
Ońtústik Koreıanyń Konstıtýtsııalyq sotyndaǵy daýys berý nátıjesi bekitilse, jańa prezıdent saılaýy ótedi.
