Pan Gı Mýn: Qazaqstan - jasyl ekonomıkadaǵy kóshbasshy elderdiń biri
«Álem kóshbasshylary tómen kómirtekti ekonomıkaǵa kóship jatyr. Birqatar eldiń tamasha qadamdaryna da kýá boldyq. Shyn máninde balamaly energııa kózderi men jasyl ekonomıka úlesi kúnnen-kúnge artyp keledi. Balamaly energııaǵa qatysty sheshimder quny da dástúrli energııamen básekelese alatyndaı deńgeıge jetti. Bul jahandyq talapta Qazaqstannyń kóshbasshy elderdiń biri ekenin atap ótkim keledi», - dedi Pan Gı Mýn.
BUU 8 hatshysy jasyl damý baǵytynda qyzmet etip júrgenin jáne Qazaqstanda atqarylyp jatqan jobalarǵa qoldaý bildirý qajettigin basa aıtty.
«2013 jyly ázirlengen Qazaqstannyń jasyl ekonomıkaǵa kóshý týraly tujyrymdamasy Eýroodaqtyń barlyq baǵyttaryna sáıkes keledi. Qazaqstannyń aldynda 2050 jylǵa deıin elektr energııasynyń 50 protsentin balamaly qýat kózderinen óndirý mindeti tur. 2017 jyly Nazarbaev ashqan Halyqaralyq jasyl tehnologııalar ortalyǵy da bul mindettemeni júzege asyrýǵa septigin tıgizedi. Bul bastamada Qazaqstandy quttyqtap, oǵan qoldaý bildirýimiz kerek. Qazir men Jahandyq jasyl damý assambleıasynyń prezıdentimin. Bizdiń uıym úkimetterge tómen kómirtekti jasyl damý salasynda kómek kórsetemiz. Qazaqstandaǵy jáne búkil álemdegi jasyl damý jobalary arqyly tabıǵatpen úndestikte ómir súrip, klımattyń ózgerýine qarsy kúres júrgize alamyz», - dedi Pan Gı Mýn.
Eske sala ketsek, elordada XI Astana ekonomıkalyq forýmy ótip jatyr.
Bıylǵy forýmda robotızatsııa, adamzattyń ózgerýi, agroónerkásip salasyndaǵy jetistikter, densaýlyq salasynyń máseleleri talqyǵa salynady.
Forýmǵa álemniń túrli elderinen 500-ge jýyq spıker qatysýda, bul rekordtyq kórsetkish. Top-spıkerler arasynda Frantsııanyń burynǵy prezıdenti Fransýa Olland, BUU-nyń burynǵy bas dırektory Pan Gı Mýn, Dúnıejúzilik banktiń Eýropa jáne Ortalyq Azııa jónindegi bas ekonomısi Gans Tımmer syndy esimder bar. Odan bólek, Astanaǵa Frantsııanyń burynǵy prezıdenti Olland Fransýa, fızık, fýtýrolog Mıtıo Kaký, Halyqaralyq Olımpıada komıtetiniń Etıka jónindegi komıssııasynyń tóraǵasy jáne BUU-nyń burynǵy Bas hatshysy Pan Gı Mýn, Golman Sachs burynǵy tóraǵasy Djım O'Nıl keldi.
