Pan Gı Mýn BUU-nyń Sırııa halqynyń senimin aqtaı almaǵandyǵyn moıyndady
ASTANA. QazAqparat - BUU-nyń Bas hatshysy Pan Gı Mýn óziniń osy laýazymdaǵy sońǵy baspasóz máslıhatynda halyqaralyq uıymnyń Sırııa halqynyń úmitin aqtaı almaǵandyǵyn aıtty. Bul týraly Rıa Novostı habarlady.
«Aleppo endi «tozaq» degen uǵymnyń sınonımi bolady, dedi ol.
«Bizdiń barlyǵymyz Sırııa halqynyń úmitin aqtaı almadyq. Beıbitshilik oǵan shyn janyń ashyp, adam tózgisiz jıirkenishti qylmystarǵa, ádiletsizdikke zor jaýapkershilikpen qaraǵanda ǵana saltanat qurady»,-dedi Pan Gı Mýn.
Osyǵan deıin 16 jeltoqsan, juma kúni Sırııa áskeri Alepponyń shyǵys oramdaryn tazartý jumystaryn aıaǵyna jetkizdi. Óz kezeginde bul jaǵdaı Sırııadaǵy qaqtyǵystardy beıbit jolmen retteýge múmkindik berdi dep málimdedi RF ÁK Bas shtabynyń Bas jedel basqarmasynyń bastyǵy general-leıtenant Sergeı Rýdskoı.
