Pan Gı Mýn: BUU mektebin atqylaý - qylmys
ASTANA. QazAqparat - Gaza sektoryndaǵy BUU mektebine atylǵan zymyran oǵyn BUU Bas hatshysy Pan Gı Mýn qylmys dep baǵalady. Ondaǵy jarylys saldarynan kem degende 10 adam qaza tapty, dep habarlady Bı-Bı-Sı.
Oqıǵa kýágerleri bolǵan palestınalyqtardyń aıtýynsha, BUU mektebi ornalasqan Rafah qalasyna zymyran Izraıl tarabynan atyldy. Mektepti myńdaǵan beıbit adamdar panalap jatqan bolatyn. Biraq, BUU ókilderi mektepke zymyran oǵyn jibergen tarap týraly kesip aıtýǵa áli erte ekenin eskertti. «Men bul áreketti naqty mektepke atylǵan oq dep jáne ony Izraıl nemese Palestına jaqtan atyldy dep aıta almaımyn», - dedi BUU-nyń Palestınadaǵy arnaıy ókildiginiń baspasóz hatshysy Krıs Ganness.
