Pan Gı Mýn Aýǵanstandaǵy BUU qyzmetkerleriniń kúzetin kúsheıtýge shaqyrdy
ASTANA. Qazannyń 30-y. QazAqparat - BUU Bas hatshysy Pan Gı Mýn uıymnyń Aýǵanstandaǵy qyzmetkerlerin qorǵaý jóninde jedel sharalar qabyldaý qajettiligin málim etti,
dep habarlaıdy «Azattyq» radıosy.
Onyń pikirinshe, qaýipsizdik kúshteri BUU ókilderiniń kúzetin kúsheıtýleri kerek - ásirese Aýǵanstandaǵy prezıdenttik saılaýdyń qarashanyń 7-sine taǵaıyndalǵan ekinshi kezeńiniń qarsańynda.
Jaqynda Kabýldegi BUU qonaqúıine jasalǵan shabýyldyń saldarynan halyqaralyq uıymnyń 5 qyzmetkeri qaza tapqan bolatyn.
Pan Gı Mýnnyń aıtýynsha, bıyldyqqa dúnıejúzi boıynsha BUU azamattyq mıssııalarynyń 27 múshesi qaza tapqan, olardyń kóbisi Aýǵanstan men Pákistanda qaıtys bolyp otyr.
