Pan Gı Mýn: álemdik qoǵamdastyq Gaıtıdi umytqan joq
ASTANA. Naýryzdyń 15-i. QazAqparat - Álemdik qoǵamdastyq zilzaladan zardap shekken Gaıtıdiń halqyn umytqan joq jáne olarǵa qajetti kómekti kórsetý jalǵasa beredi.
BUU Bas htshysy Pan Gı Mýn respýblıkaǵa jasaǵan kezekti saparynyń barysynda búgin osyndaı málimdeme jasady, dep habarlaıdy Associated Press.
BUU Bas hatshysynyń pikirinshe, Gaıtı qazirgi ýaqytta jańa mektepterdiń, joldar men aılaqtardyń qurylystaryna, sondaı-aq aımaqtardy elektrlendirýge asa muqtaj.
Pan Gı Mýn sapar barysynda Gaıtı Respýblıkasynyń prezıdenti Rene Prevalmen kezdesip, zardap shekken aralǵa kómek kórsetý máseleleri boıynsha naýryzdyń 31-ine josparlanǵan BUU konferentsııasyn ótkizý jaıyn talqylady.
Bul - Pan Gı Mýnnyń zilzala bolǵaly beri Gaıtıge jasap otyrǵan ekinshi sapary. Esterińizge sala keteıik, qańtardyń 13-inde bolǵan kúshi 7 baldyq qýatty jer silkinisiniń saldarynan el ordasy Port-o -Prens qalasy men onyń mańaıyndaǵy eldimekender jermen-jeksen boldy. Apat saldarynan, sońǵy málimetter boıynsha 270 adam qaza tapty.
