Pan Gı Mýn - 70 jasta
ASTANA. QazAqparat - 2006 jyldyń qazanynda Pan Gı Mýn BUU Bas hatshysy bolyp saılanyp, 2007 jyldyń 1 aqpanynda uıymnyń segizinshi ákimshilik basshysy retinde qyzmetine kiristi.
Al 2011 jyldyń maýsymynda ekinshi bes jyldyq merzimge qaıta saılandy. BUU basshylyǵy qyzmetindegi óziniń negizgi baǵyttary retinde ol uıym tıimdiligin arttyrý, oǵan múshe elder arasynda ózara senimdi kúsheıtip, BUU qaraýyndaǵy resýrstardy tıimdi jumsaýdy ataıdy.
Pan Gı Mýn úsh márte Ońtústik Koreıanyń «Eńbek sińirgeni úshin» ordenimen marapattalǵan. Sonymen birge Ońtústik Koreıamen qarym-qatynastardy damytýǵa qosqan úlesi úshin túrli elderdiń marapattaryna da ıe.
