Palýandarymyz Tashkentte ótken Azııa chempıonatynda eki altyn men bir qola medal aldy
TAShKENT. 23 mamyr. QazAqparat /Qurmat Samarhan/ - Kúresten Qazaqstan qurama komandasy eresekter arasyndaǵy grek-rım, erkin jáne áıelder kúresinen Tashkentte ótkizilgen Azııa chempıonatynda eki altyn men bir qola medal aldy.
Tashkenttiń «Ózbekıston» sport kesheninde grek-rım, erkin jáne áıelder kúresinen Azııa chempıonaty jalǵasyp jatyr.
Jarystardyń úshinshi kúninde kilemge áıelder arasynda 59, 63, 67, 72 keli salmaqta, sonymen qatar grek-rım kúresi ókilderi arasynda 55, 60 keli salmaq dárejesindegi sportshylar shyqty.
72 keli salmaq dárejesindegi qazaqstandyq palýan Gıýzel Manýrova men grek-rım stıliniń ókili Almas Kebesbaev (60 keli) altyn júldeni jeńip aldy. QR áıelder kúresiniń taǵy bir ókili Tatıana Zaharova (67 keli) qol medaldy mise tutty.
