Pallıatıvtik kómekti damytý jol kartasy ázirlenip jatyr
ASTANA. KAZINFORM — Elimizde pallıatıvtik medıtsınalyq kómekti damytý jol kartasy ázirlenip jatyr. Bul jaıynda Senat depýtattarynyń jaýabyna Premer-mınıstrdiń orynbasary Ermek Kósherbaevtyń jaýabynda aıtylǵan.
— Densaýlyq saqtaý mınıstrligi 2026-2028 jyldarǵa arnalǵan halyqqa pallıatıvtik medıtsınalyq kómekti damytý jol kartasyn ázirlep jatyr. Onda densaýlyq saqtaý uıymdarynyń KRІ-yn anyqtaý, normatıvtik-quqyqtyq aktilerdi, qarjylandyrýdy jetildirý, densaýlyq saqtaý uıymdarynyń ınfraqurylymdaryn, materıaldyq-tehnıkalyq bazasyn nyǵaıtý, dári-dármekpen qamtamasyz etý jáne kadrlyq áleýetin damytý boıynsha is-sharalar naqtylanǵan. Bekitilý merzimi — 2025 jyldyń 3-toqsany, — dedi vıtse-premer jaýabynda.
Ermek Kósherbaevtyń atap ótýinshe, munan bólek pallıatıvtik kómek kórsetýdi jaqsartý úshin zań jobasy ázirlenip jatyr.
— Sonymen qatar zań jobasy ázirlenip jatyr. Jobada júrgiziletin tolyq saýyqtyrý emimen qatar pallıatvıti kómek kórsetý qajettiligi bóliginde NQA-ny jetildirý boıynsha normalar qarastyrylǵan. Pallıatıvtik kómek ómirlik búkil tsıkl boıy keshen em aldy komponentterdiń biri retinde usynylady, — dedi ol.
Buǵan deıin Densaýlyq saqtaý mınıstrligi bıyl pallıatıvtik kómekti qarjylandyrýdy 42 paıyzǵa ulǵaıtatyndyǵyn jazǵan edik.