Pallıatıvtik kómekke qoldanylatyn dárilerdiń tizbesi keńeıtildi

ASTANA. KAZINFORM — Qazaqstanda bıyl pallıatıvtik kómek kórsetý sheńberinde preparattar tizbesi keńeıtilip, qazir ol 18 ataýdy qamtıdy, dep habarlaıdy DSM baspasóz qyzmeti.

Sondaı-aq Densaýlyq saqtaý mınıstrligi statsıonarlarda pallıatıvtik kómek kórsetý tarıfin jáne kóshpeli mobıldik brıgadalardy qarjylandyrý kólemin ulǵaıtty.

Bul patsıentter úshin kómekti qoljetimdi etýge jáne pallıatıvtik qyzmettiń ınfraqurylymyn nyǵaıtýǵa múmkindik beredi.

— Búginde elimizde 2 087 pallıatıvtik tósek ornalastyrylǵan, onyń 81-i balalar tósegi. Barlyq 20 óńirde 220 mobıldik brıgada jumys isteıdi. Pallıatıvtik kómek kórsetetin 9 derbes mekeme Almaty jáne Shymkent qalalarynda, Almaty, Jambyl, Qaraǵandy, Pavlodar oblystarynda, Abaı oblysynda, SQO jáne ShQO-da jumys isteıdi, — degen derek keltirdi mınıstrlik.

Mundaı qoldaýdy qajet etetin patsıentterdegi aýrýlardyń qurylymy ártúrli:

• onkologııalyq aýrýlar — 41%, 

• júrek-qan tamyrlary — 27%,

• tynys alý aǵzalarynyń aýrýlary — 12%,

• jaraqattar — 11%,

• týberkýlez-2%.

Vedomstvo málimetinshe, sonymen qatar, qazir tásilderdi birizdendirý, qyzmetterdiń sapasy men mýltıdıstsıplınalyq komandalardyń tıimdiligin arttyrý úshin pallıatıvtik kómekti uıymdastyrýdyń jańa ulttyq standarttary ázirlenip jatyr. Áli de mańyzdy qadamdar jasalýy kerek sala — balalar pallıatıvine erekshe nazar aýdarylady.

Osydan buryn tirkelmegen dári-dármek ákelýge arnalǵan elektrondy ruqsattyń jańa formasy engizilgenin jazǵanbyz.