«Palestine 36» fılmi 2026 jylǵy Oskar syılyǵyna Palestınanyń resmı úmitkeri atandy
ASTANA. KAZINFORM — Túrkııanyń TRT telearnasynyń qoldaýymen túsirilgen «Palestine 36» fılmi 2026 jyly ótetin 98-Oskar marapattaý rásimine Palestınanyń resmı qatysýshysy retinde tańdaldy, dep habarlady Anadoly.
TRT arnasynyń habarlaýynsha, fılmniń rejısseri kóptegen marapatqa ıe bolǵan ataqty palestınalyq kınoger Annamarı ıAser, prodıýseri palestınalyq Ýsama Baveradı boldy.
Fılmniń akterlar quramynda Hıam Abbas, Kamel Al-Basha, ıAsmın Al-Masrı, Jalal Altavıl, Robert Aramaıo, Saleh Bakrı, ıAfa Bakrı, Karım Daýd Anaıa, Bıllı Hoýl, Dafer L’Abıdın, Lıam Kannıngem jáne Djeremı Aırons syndy álemdik deńgeıdegi juldyzdar bar.
«Palestine 36» fılmi Palestına halqynyń 30 jyl boıy brıtandyq otarshyldyq bıligine qarsy kóterilisi týraly baıandaıdy.
Fılmniń álemdik premerasy 2025 jyldyń 4-14 qyrkúıeginde ótetin 50-Toronto halyqaralyq kınofestıvaliniń Gala-kórsetilimi aıasynda ótedi.
Annemarı Djasırdiń «Vadjıb» (Wajib), «Men seni kórgende» (When I Saw You) jáne «Osy teńizdiń tuzy» (Salt of This Sea) fılmderi osyǵan deıin Oskarǵa usynylǵan.
Eske sala keteıik, «Oskardy» endi JI kómegimen túsirilgen fılmder alýy múmkin.