Palestınany qoldaýǵa baǵyttalǵan narazylyqqa qatysýshy Nıý-Iork meri bolýy múmkin

ASTANA. KAZINFORM – Palestınany qoldaýǵa baǵyttalǵan narazylyq sharalarynyń qatysýshysy jáne sotsıalıst Zohran Mamdanı Nıý-Iorktiń jańa meri bolýy múmkin, dep habarlaıdy BILD.

34 jastaǵy Zohran Mamdanı Demokratııalyq partııanyń sol qanatynyń ókili, Úndistan týmasy Nıý-Iork meri saılaýynda kósh bastap keledi. Saıasatker Izraılden tys eń úlken evreı qoǵamdastyǵy turatyn AQSh-tyń iri qalalarynyń birin basqaratyn tuńǵysh musylman jáne birinshi sotsıalıst bolýy yqtımal.

Keıingi saýalnama málimetterine qaraǵanda, Mamdanı shtattyń burynǵy gýbernatory Endrıý Kýomony 25 pýnktke senimdi túrde basyp ozyp keledi.

Sarapshylardyń paıymdaýynsha, Mamdanı óziniń «qarsylastarynyń problemalaryn paıdalanyp» keledi. Al ony baǵa ósimi men turǵyn úı daǵdarysyna narazy jastar qoldaıdy.

Mamdanı qoǵamdyq kólikti, balabaqshany tegin etip, bul sharalardy baılarǵa salynatyn salyqty ósirip, sonyń esebinen qarjylandyrmaq.

Alaıda Madanıdiń tulǵasy talas týdyryp otyr. Sebebi ol «Intıfadany jahandandyryńdar» dep urandatqan aktsııaǵa qatysty. Buny kóptegen evreı uıymdary qaýip dep túsindi.

Buǵan qosa Mamdanıdi synaýshylar kedeılerdi qoldaıtyn onyń quny eki mıllıon bolatyn loftta ósip-óngenin eske saldy.

Donald Tramp bolsa ony «Nıý-Iorkti qurtatyn essiz kommýnıst» dep atady.

AQSh buqaralyq aqparat quraldary ókilderiniń málimetteri boıynsha, eldiń ádilet mınıstrligi qazir onyń saılaý naýqanyn qarjylandyrý kózin, tipti onyń azamattyǵynyń qanshalyqty zańdy ekenin tekserip jatyr. Saılaý 4 qarasha kúni ótedi. Eger boljam rastalsa, Mamdanı qyzmetine 2026 jyldyń 1 qańtaryn bastap kirisetin bolady.

Osyǵan deıin Tramp Sı Tszınpınmen kezdesýi turaqtylyqqa ákeletinin aıtty.