Palestınalyqtar BUU Qaýipsizdik keńesine eldiń táýelsizdigin taný týraly úndeý jasamaq
ASTANA. Qarashanyń 15-i. QazAqparat - Palestınalyqtar BUU Qaýipsizdik keńesine Palestına memleketiniń táýelsizdigin taný jáne onyń shekarasyn anyqtaý týraly úndeý daıyndaýda,
dep habarlady jeksenbi kúni Palestına ulttyq ákimshiligi basshysynyń keńesshisi Saıb Oreıkat.
Palestına táýelsizdigin birjaqty jarııa etý týraly nıetti resmı ókil, palestına basshylyǵynyń osydan 1 jyldaı buryn toqtap qalǵan Izraılmen aradaǵy beıbit kelisimniń jalǵasý múmkindiginen úmit úzýimen túsindirip otyr.
«Palestına ulttyq avtonomııasynyń basshysy Mahmud Abbastyń aıtýynsha, 1967 jyldyń maýsym aıyndaǵy shekara aıasynda táýelsiz Palestına memleketin taný týraly qararmen BUU Qaýipsizdik keńesine ótinish jasaý múmkindigine ıe bolý úshin, Palestınany azat etý uıymynyń Atqarýshy komıteti arab elderiniń, Eýropa, Reseı, Qytaı elderi men basqa da halyqaralyq toptardyń qoldaýyna ıe bolýǵa talpynýda», dedi Oreıkat myrza jýrnalısterge bergen suhbatynda.
Táýelsiz Palestına memleketiniń shekarasy Izraıl 1967 jyly arab kórshilerimen bolǵan soǵystyń nátıjesinde basyp alǵan Iordan ózeniniń Batys jaǵalaýyn, Gaza sektory men Shyǵys Ierýsalımdi qamtıtyn bolady. Al ızraıldyqtar bolsa, ózgergen demografııalyq jaǵdaıǵa jáne qaýipsizdik máselelerine siltep, soǵysqa deıingi shekarany qalpyna keltirý múmkin emes dep sanaıdy.
