Palestınalyq kafege kelgen beıbit turǵyndarǵa oq atty
ASTANA.QazAqparat - Qaskúnemdi sol mańǵa kútpegen jerden kele qalǵan shekara ofıtseri atyp óltirdi. Jergilikti bılik palestınalyq arabtardyń jumysyna tyıym saldy, dep habarlaıdy QazAqparat Euronews-ke silteme jasap.
Iordan ózeniniń batys jaǵalaýyndaǵy evreılerdiń Maale-Adýmım eldi mekenindegi saýda ortalyǵynyń janyndaǵy kafege tapanshamen qarýlanǵan 20 jastaǵy palestınalyq oq jaýdyrdy. Ol aıaldama mańyndaǵy butalardyń arasyna jasyrynǵan.
Alty adam jaraqat aldy, onyń ishinde 14 jastaǵy jasóspirim de bar. Bir jábirlenýshiniń jaǵdaıy aýyr. Qaskúnemdi kútpegen jerden kele qalǵan shekara ofıtseri atyp óltirdi.
Maale-Adýmım merııasy beıbit turǵyndarǵa shabýyl jasaǵan adam jaqynda mýnıtsıpaldyq qyzmetterge jumysqa ornalasqany anyqtalǵannan keıin Palestına arabtaryna qalada jumys isteýge ýaqytsha tyıym saldy.
