Palestınalyq azamat Facebook áleýmettik jelisiniń osal jerin taýyp alǵan
ASTANA. 20 tamyz. QazAqparat - Palestınalyq Halıl Shreateh esimdi azamat Facebook áleýmettik jelisiniń osal jerin tapqan. ıAǵnı, jolyn bilgen adamǵa kez kelgen bireýdiń Facebook-tegi paraqshasyna kirip, ishine qalaǵan dúnıesin jarııalaýǵa bolatynyn anyqtaǵan.
Ol bul aqaýdy Facebook áleýmettik jelisiniń tehnıkalyq qoldaý ortalyǵyna bir emes birneshe márte habarlaǵanymen, olar Halıldiń bul aqparatyna mán bermegen. Tipti, «ondaı bolý múmkin emes, bizde bári durys jasalǵan» dep des bermegen.
Sodan palestınalyq jigit bul «jetistigin» dáleldemek bolyp, birneshe paıdalanýshynyń paraqshasyna jáne osy áleýmettik jeliniń negizin qalaýshy Mark Tsýkerbergtiń paraqshasyna jar salyp, habar jazǵan.
Muslim.kz saıtynyń jazýynsha, osydan keıin ǵana Facebook ákimshiligi palestınalyq jigitke shyǵyp, aqaýlyqtaryn túzegen.
Negizinen mundaı aqaýlardy tapqandarǵa Facebook kompanııasy keminde 500 dollar syıaqy berýi tıis. Alaıda palestınalyq azamatqa olar bul ýádelerin oryndamaı, syıaqysyn bermeı otyr eken.
