Palestınalyqty zorlaý áreketteriniń vıdeosyn jarııalaǵan Izraıl tilshisi qýdalandy
ASTANA. KAZINFORM –Izraıl áskerleri Sde-Teıman áskerı túrmesinde qamaýda otyrǵan palestınalyq tutqyndy basyný áreketteri týraly vıdeony jarııalaǵan soń 12 arnanyń tilshisi Gaı Pelegke ýltraońshyl ızraıldikter shabýyl jasady, dep habarlaıdy Anadoly.
Sde-Teıman túrmesinde Izraıl áskerleri palestınalyq tutqynǵa zorlyq-zombylyq jasap jatqany túsirilgen vıdeo 12 telearnanyń efırinen alǵash ret 2024 jyldyń tamyzynda shyqqan.
Bul materıaldardy baspasózge berdi dep aıyptalǵan Izraıldiń eks áskerı prokýrory Ifat Tomer-Ierýshalmı qarasha aıynyń basynda ustaldy.
Telearnanyń habarlaýynsha, sársenbi kúni túnde ýltraońshyldar toby Tel-Avıvte ótken konferentsııadan soń sot tilshisi Pelegaǵa til tıgizip, kúsh kórsetken.
Peleg ǵımarattan tek polıtsııanyń kómegimen ǵana qaýip-qatersiz shyǵa alatyn edi. Sol sebepti ol polıtsııa shaqyrtty. Áleýmettik jelilerde jarııalanǵan materıaldardan ýltraońshyldardyń onyń namysyna tıetin sózder aıtyp jatqany kórsetilgen.
Bneı-Brak qalasyna kireberiste jýrnalıstiń túrmede otyrǵan sýreti beınelengen plakat ilingen. Onda «Gaı Peleganyń túrmege otyrǵyzyńdar» degen jazý bar.
Ýltraońshyl belsendi qoqan-loqy jasap, vıdeo jarııalady
Áleýmettik jelilerdeızraıldikýltraońshyl Mordehaı Davıd atty azamattyń tilshige shabýyldaǵan vıdeosy jarııalandy. Al polıtsııanyń kúzetken Peleg bolsa, kóligine jetkenshe qorqytý-úrkitý úshin aıtylǵan dóreki sózderdi estýmen boldy.
«Gaı Peleg, sen qaıda barsań da saǵan polıtsııanyń kómegi qajet bolady. Alaıda bul saǵan ylǵı kómektesedi dep oılama, seni toqtatamyz, toqtatamyz», -dep aıqalady Davıd.
Davıd buryndary ádilet mınıstri ıArıv Levınmen, ulttyq qaýipsizdik mınıstri Itamar Ben-Gvırmen vıdeorolıkter túsirgen jáne Tel-Avıvte birneshe márte úkimetke qarsy narazylyq bildirýshilerdi arandatqan, dep jazady Anadoly.
Izraıl BAQ-tary táýelsiz jýrnalıst Or-Lı Barlevtiń sot arqyly Davıdtiń ózine jaqyndaýyna tyıym salýǵa qol jetkizgenin jazdy. Tilshiniń bul qadamǵa barýyna premer-mınıstr Netanıahýdyń jemqorlyq áreketi boıynsha tyńdaý kezinde Davıdtiń Or-Lı Barlevke tıiskeni sebep bolǵan.
12 telearna óziniń tilshisine jasalǵan shabýyldy aıyptady
Telearna shaǵymynda Izraıldiń eń tájirıbeli jýrnalısteriniń biri Gaı Pelegke jasalǵan qoqan-loqy shekten shyqqany aıtylǵan.
Telearna óziniń tilshisin jáne onyń kásibı qyzmetine qoldaý kórsete beretinin naqtylady.
«103 FM» radıosyna bergen suhbatynda Peleg ózi «qylmysker» dep ataǵan Davıdtiń qoqan-loqysy emes, onyń úkimettiń joǵary deńgeıdegi sheneýniktermen baılanysy alańdatatynyn aıtqan.
Oǵan deıin 12 telearna Izrıaldiń áskerı prokýratýrasynda bolǵan beınejazylymdardy jarııalady. Onda áskerı toptyń palestınalyq tutqyndy zorlaý kezinde ony qorshap alyp, qylmystyq áreketti beınebaqylaý kameralarynan jasyrýǵa tyrysqany beınelengen.
Áskerı azamattar «aıýandyqpen azaptaý, adamnyń tánine qolsuǵýshylyq» áreketteri boıynsha aıyptalǵan. Keıinirek habarlanǵandaı, zorlaý áreketine qatysqan 9 áskerı azamat ustalǵan.
Materıaldar jarııalanǵan soń, 2024 jyldyń shildesinde ýltraońshyl belsendiler áskerıler qamalǵan mekeme aldynda aktsııa ótkizdi.
Kúdiktilerdi qamaýǵa alatyn kezde arasynda depýtattary da bar ýltraońshyl toptar Sde-Teıman áskerı bazasynyń aýmaǵyna basyp kirdi.
Osyǵan deıin ıÝNISEF uıymy Izraıldiń balalarǵa arnalǵan taǵamnyń Gazaǵa jetkizilýine kedergi keltirip otyrǵany týraly málimdedi.