Palestınalyqtar úılerine qaıta bastady

ASTANA. KAZINFORM - Atysty toqtatý týraly kelisimniń birinshi kezeńine sáıkes Izraıl áskeri shyǵarylǵannan keıin myńdaǵan palestınalyq úılerine orala bastady, dep habarlaıdy Reuters.

Adamdar legi soltústikke qaraı, anklavtyń eń úlken qalalyq aımaǵy sanalatyn Gaza qalasyna qaraı bet aldy.

Izraıl qorǵanys kúshteri (IDF) gazalyqtardy tek ruqsat etilgen baǵyttar boıynsha júrýge shaqyrady.

Palestına densaýlyq saqtaý bıliginiń habarlaýynsha, medıtsınalyq toptar Izraıl áskerin shyǵarǵannan keıin Gaza sektoryndaǵy aımaqtardan 100 adamnyń denesin alyp shyqqan.

Gaza sektoryndaǵy Izraıl men Palestına kúshteri arasyndaǵy atysty toqtatý kelisimi 10 qazanda kúshine endi.

Kelisim kúshine engennen keıin 72 saǵat ishinde tiri jáne óli ızraıldik kepilge alynǵandar bosatylady.

Óz kezeginde Izraıl ómir boıyna bas bostandyǵynan aıyrylǵan 250 palestınalyq tutqyndy, sondaı-aq soǵys kezinde túrmede otyrǵan qosymsha 1700 gazalyqty bosatýy kerek.

Kelisimge sáıkes, Izraıl kúshteri kúshine engennen keıin 24 saǵat ishinde Gaza sektorynyń birneshe aımaǵynan («Sary syzyq» dep atalatyn) shyǵýy kerek.