Palestınalyq sheıhtar óz ámirligin quryp, Izraıldi moıyndamaq

ASTANA. KAZINFORM – Hevronnyń yqpaldy sheıhtary beıbit bastama jasady. Olar Izraıldi moıyndap, Palestına avtonomııasynan azat ámirlik retinde bólinip shyǵyp, Avraam kelisimine qosylmaqshy, dep habarlaıdy The Wall Street Journal (WSJ).

Hevronnyń birneshe yqpaldy sheıhi Izraıl ekonomıka mınıstri, Ierýsalımniń burynǵy meri Nır Barkatqa hat joldap, ony premer-mınıstr Benıamın Netanıahýǵa berýdi suraǵan.

Mundaǵy maqsat - Hevronnyń Palestına ákimshiliginen bólinip, óziniń jeke ámirligin qurý. Sheıhtar Izraıldi de Ámirlikti de moıyndaýdy usynyp otyr. Buǵan qosa olar Avraam kelisimine qosylýǵa ýáde etken.

Sondaı-aq sheıhter Izraılge synaq merzimimen Hevronnyń 1000 jumysshysyn qabyldaýdy, oǵan jaýap retinde terrorızmge tózbeýge ýáde berdi.

- Burynǵy kelisimderdi is júzinde júzege asyrý tek jemqorlyqqa, ólim men joqshylyqqa alyp keldi. Sol sebepti bılik Palestına avtonomııasynan jergilikti klandardyń kóshbasshylaryna berilýi kerek, - deıdi sheıhtar.

Osyǵan deıin Izraıl Gaza sektorynda atysty toqtatý týraly sońǵy usynysqa palestınalyq HAMAS radıkaldyq qozǵalysynan jaýap alǵanyn rastaǵany týraly jazdyq.