Palestınalyq shashtaraz soǵys jaǵdaıynda da jumysyn toqtatpady
ASTANA. KAZINFORM —26 jastaǵy Abdýlla Taýfık Ramadan Gaza sektoryndaǵy Ál-Býreıdj bosqyndar lagerinde shashtaraz ashty. Izraıldiń Palestına anklavyna qarsy shabýyly kezinde shashtaraz ǵımaratyna snarıad tıdi. Saldarynan bir qabyrǵasy opyrylyp qalsa da, ol qazir ashyq aspan astynda, úıindimen kómkerilgen oıpatta adamdarǵa qyzmet kórsetýdi jalǵastyryp jatyr, dep jazady Euronews.
Gazanyń densaýlyq saqtaý mınıstrligi óziniń sońǵy esebinde 7 qazannan beri anklavta 37 551-den astam adamnyń qaza tapqanyn, olardyń kópshiligi áıelder men balalar ekenin habarlady.
Taǵy 86 myń adam jaraqat aldy.
Izraıldiń Gaza sektoryna áskerı shabýyly palestınalyq Hamas tobynyń 2023 jyldyń 7 qazanynda Izraıldiń ońtústigine jasaǵan buryn-sońdy bolmaǵan shabýylyna jaýap boldy.
Izraıl bıliginiń málimetinshe, 1200-ge jýyq adam qaza taýyp, 240 adam kepilge alynǵan. Olardyń 100-den astamy ýaqytsha atysty toqtatý kelisimi aıasynda, sondaı-aq Izraıl kúshteri Gazadaǵy reıdter arqyly qaıtaryldy. Sondaı-aq tutqyndardyń birneshe máıiti tabyldy.
