Palestınaǵa qarjylyq qoldaý kórsetý úshin 12 memleket koalıtsııa qurdy
ASTANA. KAZINFORM – Palestına bıliginiń qarjylyq turaqtylyǵy úshin tótenshe jaǵdaı koalıtsııasy quryldy, dep habarlaıdy Kazinform.
Koalıtsııaǵa Ispanııa, Belgııa, Danııa, Frantsııa, Islandııa, Irlandııa, Japonııa, Norvegııa, Saýd Arabııasy, Slovenııa, Shveıtsarııa jáne Ulybrıtanııa kirdi.
Ispanııa Syrtqy ister mınıstrligi bul bastama Ramallada ornalasqan uıymnyń qarjylyq jaǵdaıyn turaqtandyrýǵa, onyń basqarý qabiletin saqtaýǵa, negizgi qyzmetterdi kórsetýge jáne qaýipsizdikti qamtamasyz etýge baǵyttalǵanyn málimdedi.
Today, Spain, Belgium, Denmark, France, Iceland, Ireland, Japan, Norway, Saudi Arabia, Slovenia, Switzerland and the United Kingdom announced the launch of the Emergency Coalition for the Financial Sustainability of the Palestinian Authority.
— Spain MFA (@SpainMFA) September 26, 2025
🔗https://t.co/i3FNhSNon2 pic.twitter.com/KnaXXsETnf
Málimdemede burynǵy «mańyzdy qarjylyq salymdar» jáne koalıtsııanyń «turaqty qoldaý» ýádeleri keltirilgen.
Palestına premer-mınıstri Muhammed Mustafanyń keńsesi donorlardyń Palestına avtonomııasyn qarjylandyrýǵa keminde 170 mıllıon dollar bólýge ýáde bergenin habarlady.
Beısenbi kúni tańerteń Saýd Arabııasy Palestınaǵa 90 mıllıon dollar beretinin málimdedi.
Koalıtsııa elderi sondaı-aq Izraılden Palestınanyń barlyq kedendik kirisin dereý alyp tastaýdy talap etti.
Today, Belgium, Denmark, 🇫🇷, Iceland, Ireland, Japan, Norway, Saudi Arabia, Slovenia, Spain, Switzerland and the United Kingdom announced the launch of the Emergency Coalition for the Financial Sustainability of the Palestinian Authority.
— France Diplomacy 🇫🇷🇪🇺 (@francediplo_EN) September 26, 2025
➡️ https://t.co/PFiKJG3hL3 pic.twitter.com/Z6ebrJoyFn
Le Figaro basylymynyń habarlaýynsha, 2023 jyldyń 7 qazanynda Gaza sektoryndaǵy soǵys bastalǵannan beri Izraıl Palestına ákimshiligine arnalǵan salyq túsimderin ustap qaldy. Budan densaýlyq saqtaý men bilim berý sııaqty negizgi qyzmetterdiń sapasy nasharlap, kedeılerdiń sany artqan. Izraıl bıligi ustalǵan qarajattyń bir bóligi palestınalyqtarǵa satatyn elektr energııasy sııaqty shyǵyndardy jabýǵa arnalǵan dep málimdeıdi.
Buǵan deıin habarlaǵanymyzdaı, Palestınany moıyndaǵan elderdiń sany 160-qa jýyqtady.