Palestınada Ramazan aıynda ajyrasýǵa tyıym salyndy
ASTANA. 16 shilde. QazAqparat - Palestınadaǵy sharıǵat negizinde úkim beretin quzyrly orynnyń qasıetti Ramazan aıynda erli-zaıyptylardyń ajyrasqany týraly sertıfıkatty bermeıtinin málimdedi. Alaıda, aıryqsha jaǵdaılarda erli-zaıyptylar Joǵarǵy sot bıýrosynyń rastaǵan qujatyn ala alady. Bul týraly muslim.kz saıtynan habarlandy.
Atalmysh sheshim 2012 jyldyń oraza aıy kezinde erli-zaıyptylardyń ajyrasý kórsetkishin aıtarlyqtaı tómendetken osy ispen aınalysatyn arnaıy bólimniń usynymdaryna sáıkes qabyldanǵan. Bul bólimniń ókilderi málim etkendeı, keıbireýler ajyrasý jaıly túpki oıyn júzege asyrý úshin qasıetti aıda sýsynnan, as-aýqattan, shylymnan jáne tósek qatynasynan tyıylýdy synyqqa syltaý etetin kórinedi. Iordan ózeniniń batys jaǵalaýynda jáne Gaza sektorynda neke qıdyrý, ajyrasý, balalardy qamqorlyqqa alý jáne alıment tóleý sekildi otbasylyq máselelerdiń sharıǵat negizinde retteletinin aıta ketý kerek. Al osy óńirdegi hrıstıandardyń otbasylyq isin shirkeý soty qaraıdy.
