Palestına ulttyq ákimshiligi «Palestına memleketi» dep atalatyn boldy
ASTANA. 8 qańtar. QazAqparat - Palestına ulttyq ákimshiliginiń basshysy Mahmud Abbas Ákimshilikti endi «Palestına memleketi» dep ataý týraly jarlyq shyǵardy.
Bul týraly «Ál-Jazıra» telearnasyna silteme jasap muslim.kz saıty habarlady.
Budan bólek, Mahmud Abbas Palestına memleketiniń eltańbasy men mórine jáne ózge de rámizderge ózgerister engizýdi tapsyrǵan. Onyń bul jarlyǵy BUU Bas Assambleıasynyń Palestınanyń mártebesin kóterý týraly sheshimine sáıkes jarııalanyp otyr. Esterińizge sala keteıik, ótken jyldyń qarasha aıynda Palestına mártebesin kóterýdi jaqtap 138 el daýys berse, 9 memleket qarsy bolyp, 41 memleket qalys qalǵan edi.
