Palestına ulttyq ákimshiligi soǵystan keıin Gaza sektoryn basqarmaıdy – Netanıahý
ASTANA. KAZINFORM – Dúısenbi kúni Izraıl premer-mınıstri Bınıamın Netanıahý soǵystan keıin Palestına ulttyq ákimshiliginiń (PUÁ) Gaza sektoryn basqarý múmkindigin joqqa shyǵardy, dep habarlaıdy Sınhýa aqparat agenttigi.
— Men ýáde etkenimdeı, soǵys aıaqtalǵannan keıin kelesi kúni Gazada HAMAS pen Palestına ulttyq bıligi bolmaıdy, — dedi ol BAQ-tyń HAMAS-tyń anklavty baqylaýdy PUÁ-ge berýge daıyn ekenin bildirgeni týraly aqparatqa qatysty túsinik berip.
Premer-mınıstr AQSh prezıdenti Donald Tramptyń Gaza sektorynan palestınalyqtardy kórshi elderge kóshirý josparyn qoldaıtynyn taǵy da málimdedi. Arab elderi bul usynysty qabyldaǵan joq.
— Men prezıdent Tramptyń basqa Gazany qurý josparyn tolyq qoldaımyn, — dedi Netanıahý.
Izraıl 1967 jylǵy soǵysta basyp alǵan Gaza sektory, Iordan ózeniniń Batys jaǵalaýy jáne Shyǵys Ierýsalım aýmaqtary boıynsha Palestınanyń egemendigine qarsy shyǵyp otyr.
Eske sala keteıik, buǵan deıin Izraıl 17 aqpanda Gaza sektoryna qatysty kelisimniń ekinshi kezeńin talqylaıtynyn jazǵan bolatynbyz.