Palestına táýelsizdigin jarııalaıtyn bolsa, Izraıl Batys jaǵalaýy bóligin anneksııalamaq
ASTANA. Sáýirdiń 7-si. QazAqparat - Izraıldiń Syrtqy ister mınıstri Avıgador Lıberman, eger Palestına kelesi jyly birjaqty retpen óz táýelsizdigin jarııalaıtyn bolsa, Tel-Avıvtiń Iordan ózeniniń Batys jaǵalaýy bóligin annektsııalaýy múmkin ekenin málim etti,
dep habarlaıdy Associated Press.
Izraıl mınıstri sondaı-aq, palestınalyqtar óz memleketin jarııalaǵan jaǵdaıda, Izraıldiń buǵan deıin palestınalyqtarmen beıbitshilik týraly qol jetkizilgen kelisimderdiń barlyǵynyń kúshin joıatynyn aıtty.
Bıligi tek Iordan ózeniniń Batys jaǵalaýyna ǵana taraıtyn Palestına premeri osynyń aldynda jasaǵan bir málimdemesinde, 2011 jyly Palestına táýelsiz memleketiniń qurylýy jarııalanýy múmkin ekenin málim etken bolatyn. Onyń aıtýynsha, bul protsess, birjaqty retpen júzege asady.
Arab memleketteri lıgasynyń músheleri naýryz aıynyń sońynda Lıvııanyń Sırt qalasynda bolǵan jyl saıynǵy sammıtte «Ierýsalımdi qutqarý jónindegi is-qımyldardyń josparyn» qabyldaǵanyn QazAqparat budan buryn habarlaǵan bolatyn. Bul jospar boıynsha, Ierýsalımde turyp jatqan palestınalyqtarǵa 500 mıllıon dollar bólý máselesi qarastyrylǵan.
Qujatty qabyldaǵan memleketter sondaı-aq barlyq halyqaralyq uıymdardy Shyǵys Ierýsalımdi óziniń zańdy jeri retinde taný týraly Izraıldiń áreketterin moıyndamaýǵa úndeýde. Lıga músheleri BUU-nyń Halyqaralyq sotyn qaladaǵy ızraıldik aktsııalardy tekserýdi bastaýǵa shaqyryp otyr.
Esterińizge sala keteıik, Shyǵys Ierýsalımde taǵy 1,6 myń úı salý týraly Izraıldiń jospary naýryzdyń 10-ynda jarııa etilgen bolǵan. Al palestınalyqtar qaladaǵy evreı qonystarynyń qurylysyn toqtatý - Taıaý Shyǵystaǵy ahýaldy beıbit jolmen retteý problemasy boıynsha kelissózdi jandandyrýdyń basty sharty retinde atap otyr.
