Palestına sodyrlary Izraıl men Iordanııanyń kýrorttaryn zymyrandarmen atqylady - 4 adam jaralandy
ASTANA. Tamyzdyń 2-si. QazAqparat - Búgin tańerteń Izraıldiń kýrortty Eılatynda birneshe jarylystar boldy, dep habarlaıdy RBK.
Izraıldik telearnalardyń habarlaýynsha, sodyrlar baǵyttaǵan úsh zymyrannyń ekeýi teńizge, al bireýi ıordan-ızraıl shekarasy mańyna qulaǵan. Basqa da derekkózderge qaraǵanda, Eılatqa qaraı 5 zymyran baǵyttalypty.
Keıinnen belgili bolǵandaı, ushyrylǵan zymyrannyń biri Iordanııa aýmaǵyndaǵy Aqaba atalatyn iri kýrorttyq nysannyń birine tıgen. Iordanııa buqaralyq aqparat quraldary isteri jáne komýnıkatsııa jónindegi memlekettik mınıstr Álı Ál-Áıedtiń Iordandyq Petra agenttigine bergen suhbatynda Grad qondyrǵysynan ushyrylǵan zymyran Aqabadaǵy Iıterkontınental qonaq úıiniń janyna túsip jarylǵan.
Mınıstr, zymyrannyń Iordanııa aýmaǵynan ushyrylmaǵanyn málimdedi. Koroldik bılik oqıǵany búge-shigesine deıin zertteýdi tapsyrdy.
Aıta ketý kerek, sońǵy kúnderi aımaqtaǵy ahýal tym shıelenisip ketti. Senbi jáne jeksenbi kúnderi «Hamas» qozǵalysynyń sodyrlary Ashkelon men Sderot qalalaryna shabýyl jasady. Zymyranmen atqylaýdan eshkim zardap shege qoıǵan joq, alaıda eldi mekenderge aıtarlyqtaı zalal keltirildi.
