Palestına prezıdentiniń baspasóz hatshysy Bınıamın Netanıahý málimdemesine jaýap berdi
ASTANA. KAZINFORM - Palestına prezıdentiniń baspasóz hatshysy Nabıl Ábý Radın astanasy Shyǵys Ierýsalımde bolatyn táýelsiz Palestına memleketi qurylmaıynsha aımaqta qaýipsizdik pen turaqtylyq bolmaıtynyn málimdedi, dep habarlaıdy Anadolu.
Palestınanyń WAFA resmı aqparat agenttiginiń habarlaýynsha, Ábý Radın bul málimdemeni Izraıl premer-mınıstri Bınıamın Netanıahý Palestına memleketik qurýǵa qarsy sóz sóılegen soń jasady.
«Astanasy Shyǵys Ierýsalımde bolatyn táýelsiz Palestına memleketi qurylmaıynsha, aımaqta qaýipsizdik pen turaqtylyq bolmaıdy. Búkil aımaqtaǵy jaǵdaı kúrdeli. Netanıahýdyń Palestına memleketin qurýdy joqqa shyǵaratyn málimdemeleri bul úkimettiń búkil aımaqty tuńǵıyqqa ıtermeleýdi kózdeıtinin rastap otyr», - dedi baspasóz hatshysy.
