Palestına prezıdenti Túrkııaǵa resmı saparmen bardy

ASTANA. QazAqparat - Palestına prezıdenti Mahmýd Abbas Túrkııa eline resmı saparmen kelip jetti, dep habarlaıdy «Anadolý».

Palestına kóshbasshysynyń ushaǵy Ankaradaǵy «Esenbuǵa» áýejaıyna kelip qondy. Palestına memleketiniń basshysyn Túrkııa Respýblıkasynyń Ǵylym, ónerkásip jáne tehnologııa mınıstri Farýk Ozlıý qarsy aldy.

Palestına prezıdenti M.Abbas áriptesi, Túrkııa Respýblıkasynyń prezıdenti Redjep Taıyp Erdoǵanmen kelissózder ótkizedi dep josparlanǵan.

Sapar barysynda eki el arasyndaǵy qarym-qatynas tóńiregindegi birqatar máseleler, sonymen qatar palestınaaralyq dıalog protsesi talqylanbaq, dep habarlaıdy Túrkııa prezıdentiniń ákimshiligi.