Palestına memleket mártebesin alý úshin qarashada BUU-ǵa ótinish jasamaqshy
ASTANA. 12 qarasha. QazAqparat - Palestına ulttyq ákimshiliginiń basshysy Mahmud Abbas qarasha aıynda palestına memlekettigin taný úshin BUU Bas Assambleıasyna ótinish jasaıtynyn qýattap, bul qadamnyń keıingi qaldyrylatyny týraly sybystardy joqqa shyǵardy, dep habarlady reseılik «Jańalyqtar» agenttigi.
Ol BUU Bas Assambleıasynda daýys berýge qoıý kúnin taıaýdaǵy kúnderde Arab memleketteri lıgasymen kelisýge ýáde etti.
«Osy aıda biz BUU-ǵa júginemiz. Arab memleketteri lıgasy eki kúnniń ishinde ótinish berý kúnin jarııalaıdy», dedi Abbas óziniń aldynda el basshysy bolǵan ıAsır Arafattyń qaıtys bolýyna segiz jyl tolýyna oraı sóılegen sózinde.
Buǵan deıin jergilikti BAQ palestınalyqtardyń BUU baqylaýshy-memleket mártebesin alýǵa umtylýy kelesi jylǵa deıin keıinge qaldyrylýy múmkin dep jazǵan bolatyn. Búginde BUU-da palestınalyqtardyń múddesin Palestınany azat etý uıymy baıqaýshy-sýbekti retinde qorǵaýda.
«Biz BUU-ǵa 2013 jyly nemese 2014 jyly emes, 2012 jyldyń qarasha aıynda shyǵamyz», - dedi Abbas.
«Bizdi qorqytyp-úrkitkisi keletinder bar ekenin bilemiz, biraq ta biz úshin Otan bárinen de qymbat», - dedi palestınalyq kóshbasshy.
«Kol Israel» radıostansasy jeksenbi kúni Izraıldyń qarjy mınıstri ıÝval Shtaınıtstiń «eger palestınalyqtar BUU-ǵa ótinish jasaýdan bas tartpasa, Palestına qajetteri úshin salyq jınaý toqtatylady» degen sózderin keltirdi.
Ózara janjaldardy túpkilikti retteý sharttary týraly palestına-ızraıl dıalogy eki jyl buryn úzilgen bolatyn. Palestına eger Izraıl óz eliniń halqyn Gaza sektoryna qonystandyrýdy toqtatpasa, kelissózder ústeline otyrýdan bas tartyp otyr. Palestınalyqtar BUU-ǵa múshelikke ótip, 1949-1967 jyldardaǵy shekarasy halyqaralyq dárejede tanylǵannan keıin ǵana, Izraılmen terezesi teń memleket retinde kelissózder júrgizbek.
