Palestına-Izraıl kelissózderiniń birinshi kezeńi aıaqtaldy
ASTANA. Qyrkúıektiń 3-i. QazAqparat - Keshe ekijyldyq úzilisten keıin qaıta jandanǵan tikeleı palestına-ızraıl kelissózderiniń birinshi kezeńi aıaqtaldy. Taraptar beıbitshilik týraly «negizgi kelisimdi» taldap jasaýǵa talpynys bildirýge jáne aǵymdaǵy aıdyń ortasyna qaraı taǵy bir kezdesý ótkizýge kelisti. Bul týraly beısenbi kúni ótken baspasóz máslıhatynda AQSh-tyń Taıaý Shyǵystaǵy jaǵdaıdy beıbit jolmen retteý máseleleri jónindegi arnaıy ókili Djordj Mıtchel málim etti,
dep habarlaıdy ITAR-TASS agenttigi.
Ol AQSh memlekettik departamentiniń qabyrǵasynda Hılları Klıntonnyń qoldaýymen ótken tikeleı palestına-ızraıl kelissóziniń ónimdiligin atap kórsetti. Taraptardyń delegatsııalaryn Izraıl premer-mınıstri Bınıamın Netanıahý men Palestına ulttyq ákimshiliginiń basshysy Mahmud Abbas bastap keldi.
Mıtchelldiń aıtýynsha, kelesi dıalogty qyrkúıektiń 14-15-inde ótkizý týraly sheshim qabyldandy. Ol Taıaý Shyǵysta, Mysyrdyń Sharm-el-Sheıh kýrorttyq qalasynda ótýi yqtımal.
