Palestına-Izraıl qaqtyǵysy: Gazadaǵy jalǵyz elektr stantsııasy jumysyn toqtatty
BBC News agenttigi Gaza energetıka vedomstvosyna silteme jasap jazýynsha, anklavtaǵy jalǵyz elektr stantsııasy otyn tapshylyǵynan jumysyn toqtatty, dep habarlaıdy Kazinform agenttiginiń menshikti tilshisi.
Izraıl dúısenbi kúni Gazany tolyqtaı oqshaýlap, azyq-túlik, sý men otyn jetkizetin joldardy bógep tastaǵan bolatyn.
Izraıldiń ońtústiginde áskerıler Ashkelonǵa zymyranmen shabýyl jasady.
Sol aralyqta Izraıl Qorǵanys áskeriniń resmı ókili Doron Shpılman áskerı is-qımylǵa qatysý úshin taǵy 300 myń rezervıst shaqyrylǵanyn málim etti.
Izraıl oqýshylary qashyqtan oqý formatyna kóshti. Bul týraly Izraıl bilim mınıstrligi málimdedi.
«Onlaın-oqytý oqýshylardyń synaqqa tózimdiligin nyǵaıtyp, qazirgi jaǵdaıǵa saı emotsııalyq jáne áleýmettik aspektilerge baǵyttalady», – delingen mınıstrlik málimdemesinde.
Sonymen qatar Kazinform menshikti tilshisiniń habarlaýynsha, myńdaǵan adam Izraıl-Palestına qaqtyǵysyna kózqarasyn bildirý úshin Amman ortalyǵyndaǵy kóshelerge shyqty.
