Palestına Djenın qalasyn baqylaýdy qalpyna keltirý úshin AQSh-tan áskerı kómek surady

ASTANA. KAZINFORM – Palestına men AQSh resmı tulǵalary Djenındegi operatsııa qarýly kóterilisshiler Sırııany baqylaýǵa alǵannan keıin jigerlengen ıslamshyl sodyrlar Palestına bıligin qulatýǵa árekettenýi múmkin degen qaýipten týyndaǵanyn málimdedi, dep habarlaıdy Kazinform agenttigi Axios-qa silteme jasap.

- Palestına ákimshiligi Fentselge (Maık Fentsel, AQSh-tyń qaýipsizdik jónindegi úılestirýshisi) Palestına qaýipsizdik kúshterine shuǵyl qajet jabdyqtar men oq-dáriler tizimin berdi», - dep habarlaıdy Axios.

Axios Palestına bıligine kez kelgen áskerı kómek tek Izraıldiń ruqsatymen ǵana kórsetiletinin eske saldy.

AQSh prezıdenti Djo Baıden ákimshiliginiń resmı ókilderi ızraıldikterden oq-dáriler, kaska, brondy keýdesheler, radıostansalar, túngi kórý quraldary, jarylǵysh zattardy zalalsyzdandyrýǵa arnalǵan kostıýmder men brondalǵan kólikterdiń shuǵyl jetkizilýin maquldaýdy surady.

Atap ótilgendeı, Mysyr, Iordanııa jáne Saýd Arabııasy Djenındegi operatsııany qoldap otyr.

Djenın qalasy men onyń bosqyndar lagerin baqylaýǵa alý operatsııasy – Palestına qaýipsizdik kúshteriniń sońǵy jyldardaǵy eń aýqymdysy.

Buǵan deıin Izraıl áýe kúshteriniń Gaza sektoryna jasaǵan soqqylary saldarynan 46 palestınalyq qaza tapqany habarlanǵan bolatyn.