Palestına BUU-ǵa avtonomııa retinde tolyq múshelikke ótýdi kózdep otyr
ASTANA. 28 tamyz. QazAqparat - Palestınalyqtar aldaǵy qyrkúıek aıynda Bas assambleıada Birikken ulttar uıymyna avtonomııa retinde tolyq múshelikke ótýdi kózdeıdi.
Muny jeksenbide Palestına ulttyq ákimshiliginiń basshysy Mahmýd Abbas knesset (Izraıl parlamenti) basshysy Zahava Gal-On basqarǵan «Merets» solshyl partııasynyń delegatsııasymen kezdeskende málimdedi, dep habarlaıdy Muslim.kz.
Sondaı-aq, ol Izraılmen aradaǵy janjaldy retteýge kúsh salatynyn jetkizdi. «BUU-da jańa suraý salý osy máseleni sheshýdiń balama joly týrasynda emes, ony júzege asyrýdyń kepildigi jóninde bolýy múmkin»,-dedi ol óz sózinde.
«Djerýzalem post» gazeti «Merets» delegatsııasynyń ókiline silteme jasaı otyryp, bylaı deıdi: «Kezdesý barysynda Gal-On Izraıl SІM basshysy Avıgdor Lıbbermandy halyqaralyq araaǵaıyndyqqa júrgen tórttiktiń (AQSh, RF, BUU jáne EO) jýyqtaǵy joldaýynda avtonomııada tezdetip saılaý ótkizý arqyly Palestına bıliginen Abbasty ketirý jóninde aıtqan áńgimesin synǵa aldy. Depýtattar mınıstrdiń bul áreketin qatań aıyptady. Buǵan Abbastyń ózi de qosyldy jáne onyń aıtýynsha, Lıberman beıbit kelisimdi boldyrmaýdy kózdeıdi.
Buǵan Lıbermannyń ókili «Abbas bar ýaqytyn Izraılge qarsy dıplomatııalyq terrorǵa sarp etedi» dep jaýap berdi.
