Palestına boıynsha BUU konferentsııasy 28-30 shildege josparlanǵan
ASTANA. KAZINFORM — Taıaý Shyǵysqa arnalǵan joǵary deńgeıdegi halyqaralyq konferentsııa, bastapqyda maýsym aıyna josparlanǵan bolatyn, endi 28-30 shilde aralyǵynda BUU-nyń Nıý-Iork qalasyndaǵy shtab-páterinde ótedi, dep habarlaıdy TASS.
Bul jóninde BUU Bas Assambleıasynyń 79-sessııasy tóraǵasynyń resmı ókili Sheron Berch málimdedi.
Іs-sharanyń ótkizilýi Izraıl men Iran arasyndaǵy qaqtyǵysqa baılanysty keıinge shegerilgen edi.
— Konferentsııa 28-30 shilde aralyǵynda ótedi, — dedi ol.
17-20 maýsym kúnderi Saýd Arabııasy men Frantsııa BUU shtab-páterinde Izraıl men Palestına arasyndaǵy qaqtyǵysqa qatysty eki memleket negizinde sheshim tabýǵa baǵyttalǵan jahandyq kúsh-jigerdi ilgeriletýge arnalǵan joǵary deńgeıdegi konferentsııa uıymdastyrýy tıis bolǵan. Alaıda 13 maýsymda Izraıl men Iran arasyndaǵy qarýly qaqtyǵys bastalýyna baılanysty Frantsııa prezıdenti Emmanýel Makron bul is-sharanyń «logıstıka jáne qaýipsizdik máselelerine» baılanysty keıinge qaldyrylatynyn jarııalady.
Qazirgi tańda Palestına BUU-nyń 148 múshesi tarapynan resmı túrde tanylǵan. 95 elde Palestınanyń elshilikteri men turaqty ókildikteri jumys isteıdi.
Aıta ketelik Netanıahý Izraıl Palestınanyń táýelsiz el bolýyna kelispeıtinin aıtqan edi.