Paleontologtar ejelgi adamdardy basqa qurlyqtarǵa kemelermen taraǵan dep boljamdaıdy
ASTANA. Qańtardyń 13-i. QazAqparat - Ejelgi adamdar álemniń basqa bólikterine jermen emes, teńizben taraǵan. Mundaı kózqarasty qaıyqtar jasaý úshin paıdalanylýy múmkin Krıtte tabylǵan tas qural-saımandar rastaıdy,
dep habarlaıdy QazAqparat Lenta.rý saıtyna silteme jasap.
Ǵalymdar jalpy jıyny birneshe júz dana bolatyn eki basy da úshkirlengen qarýlardy tapty. Olardyń jasy 130 myń jyl dep baǵalanýda. Tabylǵan olja budan 800 myń jyl buryn Afrıka qurlyǵynda tirshilik etken Homo erectus-ter jasaǵan qural-saımandardy eske túsiredi. Qazirgi ýaqytqa deıin Krıttegi ejelgi adamdar turaqtarynyń jasy toǵyz myń jyldan aspaıdy dep sanalyp keldi.
Jańalyqtyń avtorlary Homo erectus-ter tájirıbeli teńizshi bolǵan jáne Krıtke áldeqaıda buryn tabandary tıgen dep sanaıdy. Ázirge ǵalymdarda adamdardyń nege Krıtke júzip kelgenin túsindiretin dálelderi joq. Keń taralǵan teorııalardyń biri boıynsha - bul aral uzaq saparǵa shyqqandardyń kezdeısoq aıaldamasy bolǵan. Taǵy bir boljam boıynsha - adamdar Afrıkadan jahandyq kóshi-qon barysynda Krıtti mekendegen.
