Paleontologtar eń baıyrǵy eýropalyq qaltaly janýardy tapty
ASTANA. Qarashanyń 5-i. QazAqparat - Frantsýz paleontologtary Eýropadaǵy baıyrǵy belgili qaltaly sútqorektilerdiń qańqasyn tapty.
Tabylǵan olja birneshe tisten turady, dep habarlaıdy QazAqparat Lenta. Rý saıtyna silteme jasap.Qaltalylar - bular sútqorektiler tobyndaǵy ınfraotrıad. Infraotrıad degen ataý - urǵashy janýardyń balalaryn jetildirýi úshin arnaıy qaltasynyń bolýy - osy janýarlarǵa ózindik sıpat beredi. Qaltaly janýarlar Jerge mezozoı dáýirinde taralǵan bolatyn, alaıda keıinnen olardy platsentarly sútqorektiler yǵystyryp shyǵarady. Qazirgi ýaqytta qaltaly janýarlar negizinen Avstralııada, Jańa Gvıneıada jáne oǵan jaqyn mańdaǵy araldarda saqtalǵan.Birneshe tisti tabý úshin jańa jumystyń avtorlary bes tonnaǵa jýyq topyraq jynystaryn elekten ótkizdi. Zertteýshiler oljany Arcantiodelphys marchandi dep atalatyn, buǵan deıin belgisiz bolyp kelgen qaltalylardyń túrlerine jatady degen qorytyndyǵa keldi. Arcantiodelphys marchandi qaldyǵy bor dáýirinde Soltústik Amerıka men Eýropanyń faýnasy «aralasyp jatqanynyń» janama dáleli bolyp tabylady.
