Paleontologtar eń alǵashqy dınozavrlardyń birin tapty
ASTANA. Jeltoqsannyń 20-sy. QazAqparat - Tehas ýnıversıtetiniń ǵalymdary eń ejelgi teropodtardyń biri - eki aıaqty dınozavrdy tapty,
dep habarlaıdy QazAqparat Lenta.rý saıtyna silteme jasap.
Paleontologtarǵa Tawa hallae degen ataýǵa ıe bolǵan jańa túrdiń, jalpy jıyny birneshe qaldyqtaryn tabýdyń sáti tústi. Tiri kezinde dınozavrlardyń bıiktigi 70 santımetrge jýyq jáne uzyndyǵy eki metrdeı bolǵan. Qaldyqtardyń jasy 214 mıllıon jyldy quraıdy.
Zertteýshiler ózderiniń úlken oljaǵa kenelgenderin aıtady. Másele, qaldyqtardyń óte jaqsy saqtalýymen qatar, tasqa aınalý kezinde olardyń topyraq jynystaryna sińisip ketpegeninde bolyp otyr. Osylaısha, ǵalymdarǵa ejelgi kesirtkelerdiń ishki qurylystaryna úńilýdiń sırek múmkindigi týyp otyr.
Qaldyqtardy zertteý, ǵalymdardyń pikirinshe, alǵashqy dınozavrlardyń evolıýtsııasyn anyqtaýǵa kómektesedi. Shamamen 230 mıllıon jyl buryn kontınentter Pangeıa sýperkontınentine birikken kezde ejelgi kesirtkeler ǵalamshardyń túrli aımaqtaryna alǵash ret qonystana bastaǵan. Jańa túr teropodtardyń sýperkontınent boıynsha keıinnen Ońtústik Amerıka dep atalǵan aımaqtan taraǵanyn anyqtaýǵa kómektesti.
Tórt aıaqty dınozavrlar eki aıaqtylardan keıin paıda boldy dep sanalady. Atap aıtqanda, osy jaqynda ǵana brıtandyq paleontologtar Jerde shamamen 195 mıllıon jyl buryn tirshilik etken dınozavrlardyń Aardonyx celestae dep atalatyn túrin tapty. Bul túr, ǵalymdardyń pikirinshe, eki aıaqtydan tórt aıaqtyǵa ótý aralyǵyndaǵy býyn bolǵan.
