Palaý ortalyǵyndaǵy jarylys: tergeý aıaqtalyp, is sotqa jetti
ShÝChЬE. KAZINFORM — Aqmola oblysynyń Şýche qalasyndaǵy Palaý ortalyǵyndaǵy órtke qatysty is boıynsha sotqa deıingi tergeý aıaqtaldy. Bul týraly Aqmola oblysynyń prokýratýrasy redaktsııa saýalyna bergen jaýabynda málimdedi.
— Qylmystyq-protsessýaldyq kodekstiń 296-babyna sáıkes ispen tanysý júrip jatyr. Ol aıaqtalǵannan keıin sheshim qabyldanady, — dep bólisti vedomstvodan.
Eske salsaq, 26 aqpannan 27-sine qaraǵan túni Şýchedegi dámhanada gaz ballony jarylǵan bolatyn. Alǵashqy nusqada alty adamnyń qaza tapqany habarlanǵan edi.
Tótenshe jaǵdaı bolǵan sátte Şýche qalalyq statsıonaryna túrli dárejedegi kúıikpen 13 adam jetkizilgen edi. Keıin jarylys saldarynan zardap shekken taǵy bes naýqas Kókshetaýdaǵy aýrýhanaǵa aýystyryldy.
Şýche qalasyndaǵy «Palaý ortalyǵy» dámhanasynda bolǵan gaz-aýa qospasynyń jarylysy aımaqtaǵy iri tótenshe jaǵdaılardyń biri boldy. Resmı málimetke sensek, apat saldarynan 28 adam zardap shegip, 7 adam ómirmen qosh aıtysqan. Jalpy qurbandar sany 12-ge jetti.
Oqıǵa faktisi boıynsha qylmystyq is qozǵaldy.
Sondaı-aq «Palaý ortalyǵy» dámhanasynyń ıesi ustalǵany belgili boldy. 4 naýryzda ol eki aıǵa qamaýǵa alyndy.
Aıaýlym Qanatqyzy
