Palaý ortalyǵyndaǵy jarylys: arnaıy prokýrorlar qandaı málimetti anyqtady
ASTANA. KAZINFORM – Aqmola oblysynyń arnaıy prokýrorlary «Tsentr plova Loft» kafesindegi órt faktisi boıynsha qylmystyq isti tergep-tekserýdi aıaqtady. Bul týraly oblystyq prokýratýra habarlady.
Qylmystyq jaýaptylyqqa kafeni jalǵa alýshysy, avtogaz quıý stantsııasynyń dırektory jáne gaz jetkizýdi júzege asyrǵan tulǵa tartylyp otyr. Olardyń áreketi Qazaqstan Respýblıkasy Qylmystyq kodeksiniń 292-babynyń 3-bóligimen (órt qaýipsizdigi talaptaryn buzý) jáne 306-babynyń 3-bóligimen (qaýipsizdik talaptaryna saı kelmeıtin qyzmetter kórsetý) saralandy.
Arnaıy prokýrorlar qaýipsizdik talaptarynyń buzylýy men aýyr zardaptardyń arasynda tikeleı sebep-saldarlyq baılanysty anyqtady.
Іs boıynsha túpkilikti sheshimdi sot qabyldaıdy.
Esterińizge sala keteıik, bıyl 26 aqpanynda gaz ballony jarylyp, órt shyqqan bolatyn. Saldarynan 12 adam qaza taýyp, taǵy 11 adam túrli dene jaraqatyn aldy.
Sondaı-aq ǵımarat ıesine asa iri mólsherde materıaldyq zalal keltirildi.
Atalǵan oqıǵa boıynsha qylmystyq is qozǵalyp, «Palaý ortalyǵy» kafesiniń ıesi ustalǵan edi.
