«Palaý ortalyǵyndaǵy» 11 adamnyń ólimi: órt sebebi qashan jarııalanady
ASTANA. KAZINFORM – QR Tótenshe jaǵdaılar vıtse-mınıstri Kegen Tursynbaev Şýchınsk qalasynda dámhanadaǵy órttiń sebebin tekserýge qatysty túsinik berdi.
- Ókinishke qaraı, 11 adam kóz jumdy. Premer-mınıstrdiń tapsyrmasymen memlekettik komıssııa qurylǵan. Osy oqıǵa boıynsha is qozǵaldy. Qazir tıisti saraptamalar júzege asyrylyp jatyr. Sondyqtan onyń nátıjesi boıynsha jarylystyń sebebin jarııalaımyz, - dedi K.Tursynbaev Senatta tilshiler suraǵyna jaýap bere otyryp.
Bul turǵyda ol birneshe saraptama túri júrip jatqanyn, osy jumystarǵa 3 aıdan jarty jylǵa deıin ýaqyt kerek ekenin atap ótti.
Eske salaıyq, aqpan aıynyń sońynda Şýchınskidegi dámhanada gaz jarylysy saldarynan alty adamnyń qaza tapqany habarlanǵan edi.
3 naýryzda oqıǵa saldarynan qaza bolǵandardyń sany 9 adamǵa jetkeni málim boldy.
Al osy aptanyń basynda «Palaý ortalyǵynda» órt saldarynan qaza bolǵandardyń sany 11-ge jetkeni habarlandy.
Kókshetaý mamandandyrylǵan tergeý soty Şýche qalasyndaǵy «Palaý ortalyǵy» kafesiniń ıesin qamaýǵa alý týraly sheshim shyǵardy.