«Palaý ortalyǵynda» órt saldarynan qaza bolǵandardyń sany 11-ge jetti
KÓKShETAÝ. KAZINFORM – Şýchınsk qalasyndaǵy «Palaý ortalyǵy» dámhanasyndaǵy órt saldarynan taǵy eki adam kóz jumdy.
- Dárigerlerdiń kúsh-jigerine qaramastan, Şýchınskidegi jarylystan zardap shekken aýyr jaǵdaıdaǵy taǵy eki naýqas qaıtys boldy. 8 naýryz «Avıtsenna-Býrabaı» aýrýhanasynyń jansaqtaý bóliminde jatqan bir patsıent, al 9 naýryzda Kókshetaýdaǵy Aqmola oblystyq kópsalaly aýrýhanasynda emdelip jatqan taǵy bir naýqas qaıtys boldy, - dedi Aqmola oblysynyń densaýlyq saqtaý basqarmasynyń basshysy Narıman Ermek.
Dárigerler zardap shekkenderdiń ómirin saqtap qalý úshin bar kúshin salyp jatyr.
Eske salaıyq, aqpan aıynyń sońynda Şýchınskidegi dámhanada gaz jarylysy saldarynan alty adamnyń qaza tapqany habarlanǵan edi.
3 naýryzda oqıǵa saldarynan qaza bolǵandardyń sany 9 adamǵa jetkeni málim boldy.
