«Palaý ortalyǵy» dámhanasynyń qojaıynyn qamaýǵa alý merzimi uzartyldy
ASTANA. KAZINFORM — Şýchede gaz ballony jarylysynan 12 adam qaza tapqan «Palaý ortalyǵy» dámhanasynyń ıesin qamaýǵa alý merzimi taǵy bir aıǵa uzartyldy. Bul týraly Aqmola oblysynyń prokýratýrasy habarlady.
Buǵan deıin 2026 jyldyń 4 naýryzynda Kókshetaý qalasynyń mamandandyrylǵan tergeý soty «Palaý ortalyǵy» ıesin eki aıǵa qamaýǵa alýǵa sanktsııa bergen bolatyn. Endi bul merzim taǵy bir aıǵa uzartyldy.
Vedomstvo Şýche qalasyndaǵy «Palaý ortalyǵy» dámhanasynda bolǵan órtke baılanysty Qylmystyq kodekstiń 292-babynyń 3-bóligi: «Abaısyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý» boıynsha qylmystyq is qozǵaǵan bolatyn.
Esterińizge sala keteıik, 26 aqpan kúni Şýche kafesinde gaz qospasynyń jarylýynan alty adam qaza tapqan bolatyn. Keıin qurbandar sany toǵyzǵa jetti.
Odan soń jansaqtaý bóliminde jatqan taǵy eki adam kóz jumdy.
Atalǵan oqıǵa boıynsha qylmystyq is qozǵalyp, «Palaý ortalyǵy» kafesiniń ıesi ustaldy.
