Palata talqysyna shyǵarylatyn daıyn zań jobalary belgili boldy - Májilis
ASTANA. 27 mamyr. QazAqparat - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń kezekti otyrysy ótti.
Onda aldaǵy aptada Májilistiń jalpy otyrysyna shyǵarylatyn máseleler sarapqa salyndy.
Palatanyń Halyqaralyq ister, qorǵanys jáne qaýipsizdik komıteti birneshe zań jobasyn depýtattardyń talqysyna shyǵarylatynyn habarlady. Atap aıtqanda, «Qarjy naryqtarynda kapıtaldyń erkin qozǵalysyn qamtamasyz etý úshin jaǵdaı jasaý týraly kelisimdi ratıfıkatsııalaý týraly», «Qazaqstan Respýblıkasy men Túrkııa Respýblıkasy arasyndaǵy Strategııalyq áriptestik týraly shartty ratıfıkatsııalaý týraly» zań jobalary bar.
Ekonomıkalyq reforma jáne óńirlik damý komıteti «Qazaqstan Respýblıkasynyń keıbir zańnamalyq aktilerine turǵyn úı qatynastary máseleleri boıynsha ózgerister men tolyqtyrýlar engizý týraly» zań jobasy ekinshi oqylymǵa daıyn ekendigin málimdedi.
Áleýmettik-mádenı damý komıteti «Neke (erli-zaıyptylyq) jáne otbasy týraly» zań jobasyn úshinshi oqylymda kún tártibine engizýge daıyn ekenin habarlady.
Sonymen qatar Úkimetten kelip túsken «Biryńǵaı ekonomıkalyq keńistikke múshe memleketterdegi qyzmetter saýdasy jáne ınvestıtsııalar týraly kelisimdi ratıfıkatsııalaý týraly», «Ónerkásiptik sýbsıdııalardy berýdiń biryńǵaı qaǵıdalary týraly kelisimdi ratıfıkatsııalaý týraly» zań jobalary boıynsha qorytyndy ázirleý jónindegi másele qaraldy. Birqatar zań jobalary boıynsha jumysty jalǵastyrý jóninde usynystar jasaldy.
Bıýro otyrysynda Májilistiń zań shyǵarmashylyq isine qatysty basqa da máseleler qaraldy.
