Palata otyrysyna shyǵarylatyn zań jobalary anyqtaldy
ASTANA. Jeltoqsannyń 20-sy. QazAqparat /Aıdyn Báımen/ - Búgin QR Parlamenti Májilisiniń Tóraǵasy Oral Muhamedjanovtyń jetekshiligimen Palata Bıýrosynyń kezekti otyrysy ótti. Onda Palatanyń salalyq komıtetteriniń usynysymen Májilistiń jalpy otyrysynyń kún tártibine shyǵarylatyn zań jobalary anyqtaldy,
dep habarlaıdy QazAqparat.
Zańnama jáne sot-quqyqtyq reforma komıteti «Qazaqstan Respýblıkasynyń keıbir zańnamalyq aktilerine azamattyq zańnamany jetildirý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda talqylaýǵa bolatynyn málim etti.
Halyqaralyq ister, qorǵanys jáne qaýipsizdik komıtetiniń usynysymen «Táýelsiz memleketter dostastyǵyna qatysýshy memleketterdiń shekaralyq yntymaqtastyǵy týraly konventsııany ratıfıkatsııalaý týraly» jáne «Qazaqstan Respýblıkasynyń Ykimeti men Frantsýz Respýblıkasynyń Ykimeti arasyndaǵy Qarjylandyrý týraly hattamanyń (Almaty qalasynyń sýmen qamtamasyz etý jáne káriz ınfraqurylymyn ońaltý men jańǵyrtý jobasy) kúshin joıý týraly» zań jobalary depýtattar talqysyna shyǵarylatyn boldy.
Depýtattar jalpy otyrysta keıbir zańdarǵa mindetti jáne ózara saqtandyrý, salyq salý, balyq sharýashylyǵy máseleleri boıynsha qos Palata arasyndaǵy kelispeýshilikterdi eńserý jónindegi kelisim komıssııasynyń usynystaryn qaraıtyn bolady.
Bıýro músheleri búgin 2010 jylǵy qańtar aıynda Ýkraına Prezıdentiniń saılaýyna daıyndyq pen ony ótkizý barysyn baıqaý úshin Táýelsiz memleketter dostastyǵyna qatysýshy memleketter Parlamentaralyq Assambleıasynnan, sondaı-aq Eýropadaǵy Qaýipsizdik pen Yntymaqtastyq Uıymy Parlamenttik Assambleıasynan baıqaýshylar mıssııasyna Májilistiń qatysýy týraly máseleni qarady.
Otyrysta Palatanyń zań shyǵarý qyzmetine qatysty jáne basqa da máseleler qaraldy.
