Palata Bıýrosynyń otyrysynda zań jobalarynyń daıyndyǵy týraly máseleler qaraldy

dep habarlaıdy QazAqparat.

Qarjy jáne bıýdjet komıteti Úkimettiń jáne Respýblıkalyq bıýdjettiń atqarylýyn baqylaý jónindegi Esep komıtetiniń 2009 jylǵy respýblıkalyq bıýdjettiń atqarylýy týraly esepterin Palata talqysyna shyǵarýǵa bolatynyn málim etti. Osy komıtettiń usynýymen «Qazaqstan Respýblıkasyndaǵy keden isi týraly», «Qazaqstan Respýblıkasynyń keıbir zańnamalyq aktilerine kedendik retteý jáne salyq salý máseleleri boıynsha ózgerister men tolyqtyrýlar engizý týraly», «Qazaqstan Respýblıkasyndaǵy keden isi týraly» Kodeksin qoldanysqa engizý týraly» zań jobalary qaraldy.

Halyqaralyq ister, qorǵanys jáne qaýipsizdik komıtetibirqatar zań jobalaryn qaraýdy usynyp otyr. Atap aıtqanda, «2009 jylǵy 27 qarashadaǵy Keden odaǵynyń keden kodeksi týraly shartqa ózgerister men tolyqtyrýlar engizý týraly hattamany ratıfıkatsııalaý týraly», «Keden odaǵynyń keden kodeksi týraly shartty ratıfıkatsııalaý týraly»,«Bir taraptan Qazaqstan Respýblıkasy jáne ekinshi taraptan Eýropalyq Qoǵamdastyqtar men olarǵa múshe memleketter arasyndaǵy Áriptestik pen yntymaqtastyq týraly kelisimge, Bolgarııa Respýblıkasy men Rýmynııanyń áriptestik pen yntymaqtastyq týraly kelisimge qosylýy týraly hattamany ratıfıkatsııalaý týraly» zań jobalary jalpy otyrysqa shyǵarylady.

Bıýroda Zańnama jáne sot-quqyqtyq reforma komıteti «Qazaqstan Respýblıkasynyń keıbir zańnamalyq aktilerine sáıkestendirý nómirleri máseleleri boıynsha ózgerister engizý týraly» zań jobasynyń daıyn ekenin málimdedi.