Palata bıýrosy: Májilistiń jalpy otyrysynda qaraýǵa usynylǵan máseleler
ASTANA. 14 qańtar. QazAqparat - Palata bıýrosy erteń, 15 qańtarda Májilisiniń jalpy otyrysynda qaralatyn máselelerdi bekitti.
Erteń Májiliste «Qazaqstan Respýblıkasy men Vetnam Sotsıalıstik Respýblıkasy arasyndaǵy azamattyq ister boıynsha ózara quqyqtyq kómek týraly kelisimdi ratıfıkatsııalaý týraly» QR Zańynyń jobasy talqylanady. Bul zań jobasy boıynsha qorytyndy ázirleý jóninde Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev baıandama jasaıdy dep qarastyrylýda.
Sondaı-aq «Qazaqstan Respýblıkasynyń keıbir zańnamalyq aktilerine zııatkerlik menshik salasyn quqyqtyq retteý máseleleri boıynsha ózgerister men tolyqtyrýlar engizý týraly» QR Zańynyń jobasy boıynsha qorytyndy ázirleý jónindegi máseleni Zańnama jáne sot-quqyqtyq reforma komıtetiniń tóraǵasy Rahmet Muqashev kóteredi.
Áleýmettik-mádenı damý komıtetiniń tóraıymy Darıǵa Nazarbaeva bolsa, «Qazaqstan Respýblıkasyndaǵy memlekettik jastar saıasaty týraly» QR Zańynyń jobasy boıynsha qorytyndy ázirleý jóninde jáne «Qazaqstan Respýblıkasynyń Eńbek kodeksine ózgeris pen tolyqtyrý engizý týraly» QR Zańynyń jobasy boıynsha qorytyndy ázirleý týraly baıandamamen sóz sóıleıdi.
Taǵy bir talqyǵa túsetin másele, «Qazaqstan Respýblıkasynyń keıbir zańnamalyq aktilerine oıyn bıznesi máseleleri boıynsha ózgerister men tolyqtyrýlar engizý týraly» QR Zańynyń jobasy boıynsha qorytyndy ázirleý jóninde bolmaq. Onyń baıandamashysy - Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetov.
«Qazaqstan Respýblıkasynyń Ákimshilik quqyq buzýshylyq týraly kodeksine ózgerister engizý týraly» QR Zańynyń jobasy boıynsha qorytyndy ázirleý jóninde Ekologııa máseleleri jáne tabıǵat paıdalaný komıtetiniń tóraǵasy Aleksandr Mılıýtın sóz sóılemek.
Otyrys barysynda qaralatyn «Qazaqstan Respýblıkasynyń Úkimeti men Vetnam Sotsıalıstik Respýblıkasynyń Úkimeti arasyndaǵy Investıtsııalardy kótermeleý jáne ózara qorǵaý týraly kelisimdi ratıfıkatsııalaý týraly» QR Zańynyń jobasyn QR Ekonomıka jáne bıýdjettik josparlaý mınıstri Erbolat Dosaev usynady.
Jáne sońǵy taqyryp - «2007 jylǵy 6 qazandaǵy Ujymdyq qaýipsizdik týraly shart uıymyna múshe memleketterdiń quqyq qorǵaý organdary men arnaıy qyzmetterin jaraqtandyrý úshin arnaıy tehnıka men arnaıy quraldardy jetkizýdiń jeńildikti sharttary týraly kelisimge ózgerister engizý týraly hattamany ratıfıkatsııalaý týraly» QR Zańynyń jobasy. Ony Májilis depýtattary aldynda QR Іshki ister mınıstri Qalmuhanbet Qasymov tanystyrmaq.
