Palmada krater qabyrǵasy qulady

PALЬMA. QazAqparat - Ispanııanyń Palma aralynda Kýmbre -Vıeha janartaýynyń atqylaýy saldarynan kraterdiń soltústik bóligi qulap, lavanyń jańa aǵyndary sol jerden tógildi, dep habarlaıdy QazAqparat euronews.com saıtyna silteme jasap.

Janartaýdyń atqylaýy úsh aptadan beri basylmaýda, buǵan qosa aralda jer silkinisteri jalǵasyp jatyr. Myńǵa jýyq úı qırady, alty myń adam evakýatsııalandy. Alqaptar men joldardy kúl basyp qaldy, ınfraqurylym búlingen.

Muhıtqa quıatyn lava Palma aýmaǵyn ulǵaıtyp, jańa jarty aral paıda boldy. Aral apatty aımaq dep jarııalandy, qarjylyq kómek sol jaqqa jiberildi, biraq turǵyndardy tolyq kóshirý týraly sóz joq. Osyndaǵy áýejaıy qaıtadan jabyldy. Kishigirim avıakompanııalar reısterdi ótken aptada qaıta bastaǵan edi, biraq kúl men jer silkinisine baılanysty jolaýshylarǵa jańa reısten bas tartý týraly eskertildi.

Ǵalymdardyń aıtýynsha, Kýmbre Vıjanyń atqylaýy shamamen úsh aıǵa sozylýy múmkin.