Pákistannyń soltústik-batysynda júrgizilgen operatsııa barysynda alty lańkes óltirildi
ASTANA. KAZINFORM – Pákistannyń soltústik-batysyndaǵy Haıber-Pahtýnhva provıntsııasynda barlaý qyzmetiniń málimetteri boıynsha júrgizilgen operatsııa barysynda 6 lańkes óltirilip, taǵy altaýy jaraqat aldy, dep habarlady jeksenbi kúni áskerıler.
Sınhýa agenttiginiń habarlaýynsha, qaýipsizdik kúshteri Soltústik Vazırıstan okrýgine qarasty Spınvam aýdanynda lańkesterdiń júrý qaýpine baılanysy operatsııa júrgizdi, delingen Pákistan armııasy baspasóz qyzmetiniń Qoǵammen baılanys vedomstvoaralyq basqarmasynyń málimdemesinde.
Operatsııa barysynda áskerler lańkestar ornalasqan jerge nátıjeli shabýyl jasady. Sonyń saldarynan alty lańkes óltirildi, delingen málimdemede. Sonymen qatar onda óltirilgen lańkesterdiń qaýipsizdik kúshterine qarsy terrorıstik áreketter men osy aýdandaǵy beıbit turǵyndardy ádeıi óltirý isterine belsendi aralasqany aıtylady.
Málimdemede operatsııa barysynda qarý-jaraq pen jarylǵysh zatar saqtalǵan qupııa qoıma anyqtalǵany da jazylǵan.
Osyǵan deıin Pákistannyń ońtústik-batysyndaǵy Belýdjıstan provıntsııasyna qarasty Kvette temirjol stantsııasynda jarylys uıymdastyrylyp, keminde 25 adam kóz jumdy, taǵy ondaǵan adam jaraqat alǵany týraly jazǵanbyz.
