Pákistannyń Kabýlǵa jasaǵan áýe shabýylynan 250 adam mert boldy
ASTANA. KAZINFORM — Pákistandyq áýe kúshteriniń Kabýlǵa jasaǵan soqqylary saldarynan 250-den astam adam qaza taýyp, 400-den astamy jaralandy, dep habarlaıdy BELTA.
— Pákistannyń Kabýldaǵy áýe shabýyly saldarynan 250-den astam adam qaza taýyp, 400-den astamy jaralandy, — delingen H áleýmettik jelidegi jazbada.
Dúısenbi kúni keshke TOLOnews Plus Telegram arnasy Kabýldyń ár jerinde jarylys pen atys dybystary estilgenin habarlady. Aýǵanstannyń joǵarǵy jetekshisiniń baspasóz hatshysy Zabıýlla Mýdjahed Pákistannyń el astanasyndaǵy ońaltý ortalyǵyna soqqy bergenin, saldarynan qaza tapqandar men jaralanǵandar bolǵanyn málimdedi. Bul áreketi jaýapsyz qalmaıdy dep ýáde berdi.
Aıta keteıik, bıyl aqpan aıynyń sońǵy kúnderinde Aýǵanstan Pákistanǵa qarsy áskerı operatsııa bastaǵanyn málimdedi.
Al Pákistan 27 aqpanǵa qaraǵan túni Aýǵanstannyń birneshe qalasyna, sonyń ishinde astanasy Kabýlǵa áýeden shabýyl jasady.
